$1.8 Billion project nga magpabalik steel operations sa Iligan gilauman sa LGU

0
117

Dako ang possibilidad nga mahibalik ang kalagsik sa ekonomiya ug panarbaho sa siyudad sa Iligan human mapabarog balik ang planta sa puthaw nga iya sa National Steel Corporation, human mga investors mipakita interest nga patindogon ang $1.8 Billion project nga magpabalik sa steel operations sa Iligan.

Kini ang madasigon nga anunsiyo ni Vice Mayor Jemar Vera Cruz atubangan sa mga empleado sa siyudad sa pagbukas sa flag raising ceremony niadtong Lunes sa City Hall ground.

Sa usa ka video post sa Facebook account nga LGU Iligan City si Vera Cruz ming anunsiyo sa gihimo karong paningkamot sa siyudad sa Iligan pinanguluhan ni Mayor Celso G. Regencia tali sa mga dagkong mamumuhunan nga buksan ang National Steel Corporation.

Ang NSC kaniadto maoy pinakadako nga steel operations nga nagbaton ug libuan ka mga tarbahante nga maoy nakapalagsik ug maayo sa ekonomiya sa siyudad sa Iligan. Apan kini naserado ug mingbaklas sab sa libuan ka mga tarbaho nga labing daghan taga Iligan.

Matud pa ni Vera Cruz nga adunay mga emisaryo nga gipadala ang siyudad aron nga makig-esturya sa mga representative ni Presidente Rodrigo Duterte, diin didto sab, nahinagbo niini ang mga mamumuhunan nga negosyante nga una nang mingpadayag sa ilang interes nga buksan pagbalik ang operasyon sa puthaw sulod sa National Steel Corporation.

“In their initial talk, they are interested, and they’re going to push for the 1.8 Billion Dollars project for the NSC,” matud pa ni Vera Cruz.

Matud pa niya nga “ato kining ikalipay nga isibya sa atong siyudad. ”

“You could just imagine if this billions of dollars will flow into our economy,” malipayon niyang sibya ning maong bag-ong kalambuan.

Iyang gihagit ang mga katawhan nga supportahan unta ang maong paningkamot nga matuman ang maong proyekto. “Let’s all pray and support it,” matud pa niya.

Source: TheMindanaoStar